Yaxın ölkələrdə aktiv xəstə sayı
Noyabrın 23-nə olan beynəlxalq statistikaya görə, 208 ölkə və ərazidə 19,3 milyondan çox koronavirus xəstəsi var. Novator.az bildirir ki, Rusiyada 1 milyon 47 min 860, Ukraynada 485319, Türkiyədə 400293 nəfər aktiv xəstə qeydə alınıb.
İranda 158752, Gürcüstanda 47315, Litvada 30825, Qazaxıstanda 25323, Estoniyada 23108, Ermənistanda 19555, Latviyada 14173, Belarusda 10626, Moldovada 8945 nəfər müalicə altındadır.
Qırğızıstanda 2658, Özbəkistanda 2075, Tacikistanda 5 xəstə rəsmiləşib.
2019-cu ilin dekabr ayında Çində üzə çıxıb dünyanı bürüyən koronavirus infeksiyasına Azərbaycanda ilk yoluxma 2020-ci il fevralın 28-də bəyan olunub. Son milli hesabat yoluxanların ümumi sayını 574799 nəfər, xəstəlikdən vəfat edənlərin ümumi sayını 7657 nəfər, aktiv xəstə sayını 27648 nəfər göstərib.
2021-ci il yanvarın 18-dən ölkədə koronavirus infeksiyasına qarşı peyvəndləmə gedir. Noyabrın 23-dək 5 milyon 50 min 605 nəfər bir doza, 4 milyon 524 min 851 nəfər iki doza, 717 min 39 nəfər üç doza peyvənd alıb.
