Biləcəridə yeni lokomotiv deposu
Noyabrın 19-da “Azərbaycan Dəmir Yolları” Qapalı Səhmdar Cəmiyyətinin yeni Biləcəri lokomotiv deposu açılıb. AZƏRTAC xəbər verir ki, prezident İlham Əliyev açılışda iştirak edib.
Rəsmi arayışa görə, depoda lokomotivlərin texniki baxışı və təmiri aparılacaq. Deponun üzərində günəş panelləri var, alınan enerjidən istifadə olunur, burada zəruri infrastruktur yaradılıb, dünyanın aparıcı şirkətlərinin istehsalı olan müasir avadanlıq quraşdırılıb.
Deponun tikintisi dəyişən cərəyanla işləyən 50 lokomotiv üçün iki deponun – Biləcəri və Gəncə lokomotiv depolarının tikintisi layihəsi çərçivəsində həyata keçirilib. Yeni depoların nəzərdə tutulduğu dəyişən cərəyanlı 40 yük lokomotivi və ikili elektrik təchizatı sistemində işləyən 10 sərnişin lokomotivi dünyanın aparıcı şirkətlərinə sifariş edilib. 28-i yük və 10-u sərnişin lokomotivi olmaqla 38 müasir “Alstom” lokomotivi Azərbaycana gətirilib.
