Eldar Həsənovun uduşu
Eldar müəllimin məhkəmədə söylədiyi ilk fikir təxminən belə idi: “Möhtərəm məhkəmə kollegiyası, mən bu binaya müxtəlif statuslarda yüz dəfə gəlib-getmişəm. İlk dəfədir bu binaya təqsirləndirilən şəxs qismində daxil oluram və bu mənə çox ağırdır”.
Həqiqətən onun kimi bir insanın, hüquq elmləri doktoru, professorun, ziyalının, dövlət xadiminin vəkili olmaq da ağırdır!
Eldar müəllim Bakı Ağır Cinayətlər Məhkəməsində 3 aydır davam edən, çox vaxt səhər başlayıb axşam bitən məhkəmə proseslərinin hər birinə iclas başlamamışdan əvvəl həkim müayinəsi və müşayiəti ilə, təcili yardım xidmətinin əməkdaşları ilə gəlir, iclas bitəndən sonra çətinliklə çıxıb gedir.
Səhhəti o qədər ağırdır ki, bəzən ona bir gündə üç-dörd dəfə tibbi yardım göstərilir. Belə qeyri-humanist, bənzəri olmayan bir məhkəmə prosesinə müstəqil Azərbaycanın məhkəmə tarixində rast gəlinməyib.
Buna baxmayaraq zalda oturanları, proses iştirakçılarını, o cümlədən məni Eldar Həsənovun ciddi ağrılar altında nümayiş etdirdiyi dəmir iradə təəccübləndirir, heyrətləndirir. Heyrət doğuran həm də onun fenomenal yaddaşıdır.
Barəsində aparılan cinayət işinin hər bir cildini, hər bir epizodunu, az qala hər səhifəsini o qədər peşəkar, hüquqşünas dəqiqliyi ilə oxuyub, diqqətlə öyrənib ki, verilmiş ittihamın hər bir epizodunu öz arqumentləri ilə, sübutlarla, şahid ifadələri ilə, verdiyi hüquqi şərhlərlə heçə endirir.
Hamını heyrətləndirən başqa bir nüans isə onun sonsuz təmkinlə, ləyaqətlə və mədəni davranmasıdır. Müzakirə olunan məsələnin mahiyyətinə uyğun olaraq bəzən çoxlarının bilmədiyi atalar sözlərini, dahi klassiklərimizdən, Bəxtiyar Vahabzadə, Məmməd Araz, Musa Yaqub, Ramiz Rövşən, Bəhmən Vətənoğlu yaradıcılığından iki sətri elə seçib söyləyir ki, hər hansı şərhə ehtiyac qalmır, hər kəsi o iki sətirlə düşünməyə vadar edir.
Geridə qalan üç aydakı məhkəmə prosesləri dönə-dönə göstərdi və təsdiq etdi ki, vəkilləri savadlı, peşəkar, ölkəmizdə tanınmış vəkillər olsa da, əslində Eldar Həsənovun vəkilə ehtiyacı yoxdur!
Qanunsuzluğa, haqsızlığa məruz qalması bir yana, amansızcasına mühakimə olunmasına baxmayaraq peşəkar hüquqşünas kimi əhatəli və dərin savada malik olduğundan Eldar Həsənov təqsirsizliyini özü də sübuta yetirə bilir.
Hətta istintaqın qeyri-peşəkarlığı nəticəsində cinayət işinə yüksək səlahiyyətli şəxslərin adları, onların imzaladığı sənədlər, səfirliyə və Xarici İşlər Nazirliyinə verdikləri təlimatlar daxil edilsə də, Eldar Həsənov bir dəfə də olsun təmkinini pozmayıb. Bu günə qədər nə çalışdığı dörd ölkədən, nə də Azərbaycandan bir şəxsin adını çəkib.
Eldar Həsənov imzalanmış qərarların, verilmiş göstərişlərin qanuni və əsaslı olmasını da sənəd və sübutlarla birmənalı sübut etdi. Bəlkə də başqası olsa deyərdi ki, hər kəs imzaladığı sənədə, verdiyi göstərişə özü cavabdehdir, gəlsin məhkəmədə cavab versin, gedin özlərindən soruşun… Amma dövlət və dövlətçiliyi, onun imicini düşünən əsl azərbaycanlı Eldar Həsənov ağlında və cəsarətində olmalıdır.
Yeri gəlmişkən, düşünürəm ki, “Eldar Həsənov görək nə deyəcək?” düşüncəsində olan, diqqətlərini yönəldib səbirsizliklə gözləyənlər də var idi, amma yanıldılar.
Son illərdə heç məsuliyyətə cəlb edilməyən nazirlərin, vəzifəli şəxslərin qorxusundan özlərini xilas etmək üçün səsləndirdikləri gülünc fikirlərin, bəyanatların çox şahidi olmuşuq, nələr eşitmişik. Amma Eldar Həsənov öz davranışı ilə bu səviyyənin adamı olmadığını da sübuta yetirdi.
Mənə görə Eldar Həsənov təqsirsizdir! Artıq bundan sonra məhkəmənin verəcəyi hər hansı hökm, cəza artıq bir təfərrüatdır.
Valeh Mehralıyev,
vəkil
Yazı müəllifin “Facebook” səhifəsindən götürülüb
Eldar Həsənov həbsi barədə nə deyir?
Eldar Həsənovun bir istəyi təmin olundu
Eldar Həsənov xəbəri rəsmən təsdiqləndi
Eldar Həsənovun səhhəti yaxşı deyil
“Mənim düşmənim yoxdur, ermənidən başqa”
Eldar Həsənov qərarı dəyişirmi?
Ziyalıların prezidentə müraciəti
Eldar Həsənovun vəkili: “Səhhətində təhlükəli problemlər var”
Gənclərin prezidentə Eldar Həsənov müraciəti
Eldar Həsənovun vəkili nələr deyir?
Eldar Həsənovun vəkilləri prezidentə üz tutub
Avropa Məhkəməsi Bakıya Eldar Həsənovla bağlı sorğular göndərib
Eldar Həsənov prosesdə iştirakdan imtina edib. Məhkəmə qərar verib
Eldar Həsənovun qəbul etdiyi dərmanların siyahısı açıqlanıb
Avropa Məhkəməsindən Eldar Həsənov qərarı, tələb
Heydər Əliyev Eldar Həsənova Ərdoğanla bağlı nə tapşırmışdı?
Avropa Məhkəməsinin qərarı icra olunmur, vəziyyət ağırlaşır
Eldar Həsənovun işi yeni mərhələdə
“Adamlarımızı asanlıqla xərcləməyək!” (Eldar Həsənov barədə)
Eldar Həsənov Hərbi Hospitala köçürüldü
Eldar Həsənov reabilitasiya kursu keçir
Eldar Həsənov təcridxanaya qaytarılıb
Eldar Həsənovun vəkillərinin müraciəti
Eldar Həsənov yenə hospitaldadır
Eldar Həsənovun səhhəti daha da ağırlaşıb
Eldar Həsənovun işi məhkəməyə getdi
Eldar Həsənovun ittiham olunduğu maddələr
Eldar Həsənovun məhkəməsi təyin olunub
Eldar Həsənovun vəkili yeni açıqlama yayıb
Eldar Həsənovun işi: hazırlıq iclasının vaxtı dəyişdi
Eldar Həsənovun vəkili balaca zaldakı böyük problemlərdən söz açır
Eldar Həsənovun mühakiməsi, yeni vəsatətlər
Eldar Həsənov: “Qəsdimə yönələn istintaq aparılıb”
Eldar Həsənovun məhkəməsində gərginlik yaşanıb
Eldar Həsənov: “Fələk oğlu fələk də dözməz bu haqsızlıqlara”
Ev dustaqlığına yox deyildi. Eldar Həsənovun vəziyyəti yenə pisləşdi
“Hamınızın bildiyi şöbə müdiri xəbər göndərib ki…”
Eldar Həsənov məhkəmədə yenə özünü pis hiss edib
Eldar Həsənovun qızı Mehriban Əliyevaya müraciət edib
Eldar Həsənovun məhkəməsində bir mərhələ bitdi
Avropa Məhkəməsindən Eldar Həsənov sualları
Kəlbəcərlilərdən prezidentə Eldar Həsənov müraciəti
Eldar Həsənovun qızı: “Atamla bərabər həbs yaşayırıq”
Eldar Həsənov yenə hospitala köçürülüb
Eldar Həsənov təcridxanaya qaytarılıb
Kəlbəcərli ziyalılar Eldar Həsənova azadlıq istəyir
Eldar Həsənovun qızı: “Kömək edin, ədaləti bərpa edin”
108 yaşlı qadından Eldar Həsənov müraciəti
Eldar Həsənov qızına nə tapşırıb?
Proses 15 dəqiqə çəkib, Eldar Həsənov zaldan xərəkdə çıxarılıb
