Fəxri adlar statistikası
Novator.az fəxri adlar üzrə statistikaya nəzər salıb.
Rəsmi hesabata əsasən, 2021-ci il oktyabrın 1-nə 184 nəfərə Vətən Müharibəsi Qəhrəmanı adına görə fərdi təqaüd (2000 manat) verilib.
Azərbaycanın Milli Qəhrəmanı adına görə fərdi təqaüd (1800 manat) alanların sayı 183 nəfər göstərilir.
Fərdi təqaüdləri həmin adlar verilmiş şəxslər, ya da onların dul arvadları və 18 yaşına çatmamış uşaqları alıb.
264 nəfərə “Xalq” fəxri adına görə, 4443 nəfərə “Əməkdar” fəxri adına görə təqaüd düşüb.
Xalq yazıçısı, xalq şairi, xalq artisti və xalq rəssamı fəxri adları üçün aylıq təqaüdün məbləği 150 manatdır.
Əməkdar elm xadimi, əməkdar incəsənət xadimi, əməkdar artist, əməkdar rəssam, əməkdar mədəniyyət işçisi, əməkdar müəllim, əməkdar həkim, əməkdar memar, əməkdar bədən tərbiyəsi və idman xadimi, əməkdar dövlət qulluqçusu, əməkdar jurnalist, əməkdar mühəndis, əməkdar hüquqşünas, əməkdar kənd təsərrüfatı işçisi, əməkdar pilot, əməkdar tibb işçisi üçün 100 manat aylıq təqaüd müəyyən edilib.
