Təbii artım 44,6 faiz geriləyib
Azərbaycan əhalisinin sayı 2021-ci il oktyabrın 1-nə 10 milyon 147 min 380 nəfərə çatıb. Novator.az-ın məlumatına görə, hesabatı yayan Dövlət Statistika Komitəsi bildirir ki, yanvar-sentyabr aylarında 82928 doğulan körpə qeydə alınıb, onların 53,5 faizi oğlandır.
Doqquz ayda 56173 ölüm halının, 41067 nikahın, 12892 boşanmanın, daimi yaşamaq üçün 1847 nəfər gələnin, 355 nəfər gedənin rəsmiləşdiyi vurğulanır.
Statistikaya əsasən, 2020-ci ilin yanvar-sentyabr aylarına nəzərən doğum 13,3 faiz azalıb, ölüm halları 19 faiz, nikahlar 57,1 faiz, boşanmalar 13,3 faiz artıb, əhalinin təbii artımı (doğulanlar və ölənlərin nisbəti) üzrə 44,6 faiz geriləmə olub.
