Koronavirus ölümləri: hər ay 368 nəfər
Azərbaycanda koronavirus infeksiyasından ilk ölümün 1 il 8 ayı tamam olub.
2019-cu ilin dekabrında Çində üzə çıxaraq dünyanı bürüyən infeksiyaya Azərbaycanda ilk yoluxma 2020-ci il fevralın 28-də qeydə alınıb, martın 12-də infeksiyadan ilk ölüm barədə bilgi yayılıb.
2021-ci il noyabrın 12-dək koronavirusa yoluxanların 7372-si vəfat edib.
İnfeksiya 2020-ci ildə Azərbaycanda 2641 nəfərin həyatına qoyub. Novator.az bildirir ki, aylar üzrə statistika belə göstərilib: mart – 5 ölüm, aprel – 19, may – 39, iyun – 150, iyul – 235, avqust – 86, sentyabr – 57, oktyabr – 139, noyabr – 662, dekabr – 1249.
2021-ci ilin statistikası belədir: yanvar –491 ölüm, fevral – 88, mart – 347, aprel – 950, may – 396, iyun – 61, iyul – 49, avqust – 613, sentyabr – 889, oktyabr – 549, noyabr – 298.
2020-ci il martın 12-dən ötən 20 ayda hər ay orta hesabla 368 nəfər koronavirusa qurban gedib.
