Şirvan elində
Prezident İlham Əliyev və birinci vitse-prezident Mehriban Əliyeva noyabrın 1-də İsmayıllı rayonuna səfər ediblər. AZƏRTAC xəbər verir ki, onlar Lahıc qəsəbəsindəki Bədöyün məscidində aparılan bərpa-təmir işləri ilə tanış olublar.
Səfər zamanı Basqal-Sulut avtomobil yolu, İsmayıllı şəhərində Uşaq və Ailələrə Dəstək Mərkəzinin yeni binası açılıb, 6 saylı tam orta məktəbin yeni binası istifadəyə verilib.
İlham Əliyev və Mehriban Əliyeva Şamaxı rayonuna da baş çəkiblər. Şamaxıda “Azərişıq” ASC-nin Şimal-Qərb Regional SCADA İdarəetmə Mərkəzinin açılışı olub.
Şəhərdə Gənclər Parkında görülmüş işlərlə tanış olan prezident və birinci vitse-prezident sonra 7 saylı körpələr evi-uşaq bağçasının açılışında iştirak ediblər.
Şamaxı şəhərində Yaradıcılıq Mərkəzi istifadəyə verilib, stadion, Şamaxı Üzüm Tingçilik Mərkəzi açılıb.
İlham Əliyev və Mehriban Əliyeva Çarhan kənd tam orta məktəbinin yeni binasının açılışına da qatılıblar.
Bərpa və yenidənqurma işlərindən çıxan Pirsaat Baba ziyarətgah-məscid kompleksi də istifadəyə verilib.
