Yoluxma və itki hesabatı
Son rəsmi hesabat Azərbaycanda koronavirus infeksiyasına yoluxanların ümumi sayını 517802 nəfər, xəstəlikdən vəfat edənlərin ümumi sayını 6915 nəfər göstərib.
2019-cu ilin dekabr ayında Çində üzə çıxıb dünyanı bürüyən infeksiyaya Azərbaycanda ilk yoluxma 2020-ci il fevralın 28-də, xəstəlikdən ilk itki martın 12-də qeydə alınıb. Həmin il 218700 yoluxma, 2641 ölüm olub.
Novator.az-ın məlumatına görə, 2021-ci ilin statistikası belədir: yanvar – 11519 yoluxma, 491 ölüm, fevral – 4318 yoluxma, 88 ölüm, mart – 27176 yoluxma, 347 ölüm, aprel – 57396 yoluxma, 950 ölüm, may – 14847 yoluxma, 396 ölüm, iyun – 2091 yoluxma, 61 ölüm, iyul – 7802 yoluxma, 49 ölüm, avqust – 81042 yoluxma, 613 ölüm, sentyabr – 59011 yoluxma, 889 ölüm, oktyabr – 33900 yoluxma, 390 ölüm.
Koronavirus infeksiyasını cilovlamaq üçün 2020-ci il martın 31-dən xüsusi karantin rejimi tətbiq olunur. Ölkə ərazisinə giriş-çıxış məhduddur, mədəniyyət obyektləri, eləcə də kinoteatrlar, teatrlar və konfrans zalları, istirahət və əyləncə məkanları, həmçinin uşaq əyləncə məkanları saat 00:00-a qədər fəaliyyət göstərə bilər.
Ölkə ərazisində bu qadağalar var:
– “ASAN xidmət” və “DOST” mərkəzləri istisna olmaqla dövlət orqanlarında (qurumlarında) vətəndaşların yerində qəbulu;
– dəfn istisna olmaqla yas mərasimlərinin keçirilməsi;
– kütləvi tədbirlərin, o cümlədən idman tədbirlərinin keçirilməsi (açıq havada idman yarışları istisna olmaqla);
– ictimai yerlərdə, o cümlədən küçələrdə, bulvarlarda, parklarda və digər yerlərdə şəxslərin (ata-ana, nənə-baba, uşaqlar və bacı-qardaşlar istisna olmaqla) 10 nəfərdən artıq qruplarda cəmləşməsi;
– ictimai iaşə obyektlərində qəlyan avadanlıqlarından istifadə;
– tibb müəssisələrində müalicə alan şəxslərin ziyarəti;
– masaj və hamam xidmətlərinin göstərilməsi.
Bakı, Sumqayıt şəhərlərinin və Abşeron rayonunun ərazisində ictimai iaşə obyektlərində müştərilərə saat 00:00-dan 09:00-dək yerində xidmət və hər bir masa arxasında 6 nəfərdən artıq toplaşmaq; 10 nəfərdən artıq şəxsin iştirakı ilə keçirilən tədris və repetitor xidmətlərinin həyata keçirilməsi də yasaqdır.
