Məşğulluq, sərmayə, xidmət
Dövlət Statistika Komitəsi 2021-ci il oktyabrın 1-nə iqtisadi fəal əhalinin sayını 5 milyon 298,7 min nəfər, onların 4 milyon 978,3 min nəfərini məşğul şəxs kimi göstərib. Rəsmi hesabata görə, eyni dövrə statistik vahidlərin (fərdi sahibkarlar istisna olmaqla) sayı 163979-a çatıb, rəsmi fərdi sahibkarların sayı 1 milyon 142 min nəfəri ötüb.
Novator.az bildirir ki, statistikaya əsasən, yanvar-sentyabr aylarında ölkədə qoyulan 9 milyard 560,2 milyon manat sərmayənin 53,1 faizi sənayenin, 18,6 faizi tikintinin, 16,6 faizi nəqliyyat və anbar təsərrüfatının, 2,9 faizi kənd təsərrüfatı, meşə təsərrüfatı və balıqçılığın, qalanı digər sahələrin payına düşüb.
Başqa rəsmi məlumatlara görə, yanvar-sentyabr aylarında ictimai iaşə dövriyyəsi 2020-ci ilin eyni dövrü ilə müqayisədə 15,9 faiz, əhaliyə göstərilmiş ödənişli xidmətlərdən əldə olunan gəlir 4,6 faiz artıb.
