Peşə təhsilində yeniliklər qərarı
Nazirlər Kabineti peşə təhsili üzrə ixtisasların təsnifatında dəyişikliklərə qərar verib. Novator.az bildirir ki, informasiya-kommunikasiya texnologiyası və hesablama texnikasının təmiri və servis xidməti ixtisas qrupuna qrafik dizayner; kompüter şəbəkə inzibatçısı; informasiya texnologiyaları üzrə texniki dəstək mütəxəssisi ixtisasları əlavə edilib.
Başqa bir yeniliyə əsasən, kosmetoloq, texnik; kosmesevt; masajist ixtisaslarını cəmləşdirən kosmetologiya ixtisas qrupu yaradılıb.
Təsnifata əlavə olunan digər ixtisaslar bunlardır: ağac emalı qurğuları, mebel sənayesi, ağac məmulatları və yarımfabrikatların hazırlanması ixtisas qrupuna – mebel ustası ixtisası; avtomobillərin təmiri – sürücülük ixtisas qrupuna – avtomobil diaqnostikası və təmiri ustası ixtisası; yeyinti məhsulları istehsalı avadanlıqları ixtisas qrupuna – üzümçülük və şərab ustası ixtisası; inşaatda sanitar-texniki sistemlərin hissə və qovşaqları ixtisas qrupuna – isitmə-soyutma, havalandırma sistemləri və avadanlıqları üzrə montajçı ixtisası.
