Azadlıq bölgəsində
Prezident İlham Əliyev oktyabrın 9-da Xocavənd rayonuna səfər edib. AZƏRTAC xəbər verir ki, dövlət başçısı Hadrut-Cəbrayıl-Şükürbəyli, Tuğ-Hadrut və Füzuli-Hadrut yollarında aparılan tikinti işləri ilə tanış olub, Hadrut qəsəbəsində yeni məscidin, “Hadrut” qovşaq yarımstansiyasının təməllərini qoyub.
İlham Əliyevin Xocavənd ictimaiyyətinin nümayəndələri ilə görüşdüyü, onlarla birlikdə Tuğ kəndinə baş çəkdiyi xəbər verilir.
Ermənistan 1988-1994-cü illərin təcavüzündə Azərbaycanın bütün cənub-qərbini ələ keçirib. 2020-ci il sentyabrın 27-dən Azərbaycanın apardığı hərbi əməliyyatlarda və noyabrın 10-da əldə olunan atəşkəs razılaşması nəticəsində Cəbrayıl, Füzuli, Zəngilan, Qubadlı, Ağdam, Kəlbəcər rayonları tam, Şuşa, Xocavənd, Xocalı, Laçın rayonları və keçmiş Ağdərə rayonu qismən azad olunub.
Xankəndi, Xocalı, Ağdərə, Xocavənd şəhərləri, Şuşa, Xocalı, Xocavənd rayonlarının və keçmiş Ağdərə rayonunun bir hissəsi işğal zonasında, Laçın şəhəri və rayonun 6 neçə kəndi bölgədə atəşkəsə məsul olan Rusiya Ordusu bölmələrinin əlində qalır.
