Koronavirus itkiləri
2019-cu ilin dekabr ayında Çində üzə çıxıb dünyanı bürüyən koronavirus infeksiyası 212 ölkə, ərazi və məkanda 4 milyon 841 minə yaxın adamın ölümünə gətirib. Novator.az bildirir ki, yaxın ölkələr arasında ən çox Rusiya itki verib: 212625 nəfər.
İranda infeksiyadan 121779, Türkiyədə 65373, Ukraynada 57526 nəfər vəfat edib.
Qazaxıstanda yoluxmanın 11422, Gürcüstanda 9134, Moldovada 6927, Ermənistanda 5440, Litvada 5134 qurbanı var.
Digər yaxın ölkələrdə itki sayı belədir:
Belarus – 4228 nəfər
Latviya – 2773
Qırğızıstan – 2614
Estoniya – 1383
Özbəkistan – 1255
Tacikistan – 124.
Mənbə: Worldometers.info
Azərbaycanda koronavirusa ilk yoluxma 2020-ci il fevralın 28-də, xəstəlikdən ilk ölüm martın 12-də qeydə alınıb. Son rəsmi hesabata görə, 488213 nəfər infeksiyaya yoluxub, onların 6611-i vəfat edib.
2021-ci il yanvarın 18-dən Azərbaycanda koronavirus infeksiyasına qarşı peyvəndləmə gedir. 4 milyondan çox şəxs bu prosesi bitirib.
