Pasport pasportlar içində
İsveçrənin “Henley & Partners” şirkəti yeni pasport reytinqi açıqlayıb. Reytinq vizasız səfər meyarına əsaslanır.
Novator.az bildirir ki, rəsmi siyahının zirvəsində yer alan Yaponiya və Sinqapur pasportları 192, Almaniya və Cənubi Koreya pasportları 190, Finlandiya, İtaliya, Lüksemburq və İspaniya pasportları 189 ölkəyə vizasız giriş imkanı verir.
Litva pasportu 182, Estoniya və Latviya pasportları 181, Ukrayna pasportu 136, Moldova pasportu 120, Rusiya pasportu 118, Gürcüstan pasportu 115, Türkiyə pasportu 110 ölkədə vizasız işləyir.
Belarus pasportu ilə 78, Qazaxıstan pasportu ilə 74, Azərbaycan pasportu ilə 68, Ermənistan pasportu ilə 64, Qırğızıstan pasportu ilə 62, Tacikistan pasportu ilə 58, Özbəkistan pasportu ilə 56, Türkmənistan pasportu ilə 52, İran pasportu ilə 41 ölkəyə vizasız səfər eləmək olar.
Mənbə: Henleyglobal.com
