Müraciətlər üzrə komissiya yaradılıb
Nazirlər Kabineti şəhid ailələri üzvlərinin, müharibə ilə əlaqədar xəsarət almış hərbi qulluqçuların və əlilliyi müəyyən edilmiş şəxslərin müraciətləri üzrə vahid əlaqələndirmə mərkəzlərində xidmət göstərən dövlət orqanlarının fəaliyyətinin təşkilinə dair Əlaqələndirmə Komissiyası yaradıb. Komissiyanın sədrliyi əmək və əhalinin sosial müdafiəsi nazirinə həvalə olunub. Üzvlər belə sıralanır: müdafiə nazirinin müavini, səhiyyə nazirinin müavini, əmək və əhalinin sosial müdafiəsi nazirinin müavini, Səfərbərlik və Hərbi Xidmətə Çağırış üzrə Dövlət Xidməti rəisinin birinci müavini, İcbari Tibbi Sığorta üzrə Dövlət Agentliyinin İdarə Heyəti sədrinin müavini, Dövlət Sığorta Kommersiya Şirkətinin İdarə Heyəti sədrinin birinci müavini, Bakı Şəhər İcra Hakimiyyəti başçısının müavini, Nərimanov Rayon İcra Hakimiyyəti başçısının birinci müavini, Pirallahı Rayon İcra Hakimiyyəti başçısının birinci müavini, Bakı şəhəri Nizami Rayon İcra Hakimiyyəti başçısının müavini, Suraxanı Rayon İcra Hakimiyyəti başçısının müavini, Qaradağ Rayon İcra Hakimiyyəti başçısının müavini, Xətai Rayon İcra Hakimiyyəti başçısının müavini, Səbail Rayon İcra Hakimiyyəti başçısının müavini, Binəqədi Rayon İcra Hakimiyyəti başçısının müavini, Xəzər Rayon İcra Hakimiyyəti başçısının müavini, Nəsimi Rayon İcra Hakimiyyəti başçısının müavini, Sabunçu Rayon İcra Hakimiyyəti başçısının müavini, Yasamal Rayon İcra Hakimiyyəti başçısının müavini.
Prezident İlham Əliyev şəhid ailələri üzvlərinin, müharibə ilə əlaqədar xəsarət almış hərbi qulluqçuların və əlilliyi müəyyən edilmiş şəxslərin müraciətləri üzrə vahid əlaqələndirmə mərkəzləri yaradılmasına 2021-ci il iyunun 25-də fərman verib. Sənəd mərkəzlərdə göstərilən xidmətlərin və həmin xidmətləri göstərən dövlət orqanlarının (qurumlarının) siyahısını və xidmət göstərilməsi qaydasını rəsmiləşdirir.
Əmək və Əhalinin Sosial Müdafiəsi Nazirliyi dövlət orqanlarının xidmətlər üzrə fəaliyyətinin əlaqələndirilməsi və müraciətlərin icra vəziyyətinin monitorinqi üzrə əlaqələndirici orqan qismində müəyyən olunub.
Fərmana görə, xidmətlər “bir pəncərə” prinsipi əsasında göstərilir; birbaşa (yerində), “Çağrı mərkəzi” vasitəsilə və səyyar formada təşkil edilir.
