Əhali statistikasından
2020-ci ilin Vətən müharibəsində – sentyabrın 27-dən aparılan hərbi əməliyyatlarda və 10 noyabr atəşkəsində əldə olunan razılaşma nəticəsində Cəbrayıl, Füzuli, Zəngilan, Qubadlı, Ağdam, Kəlbəcər rayonları tam, Şuşa, Xocavənd, Xocalı, Laçın rayonları və keçmiş Ağdərə rayonu qismən Azərbaycanın nəzarətinə qayıdıb. Xankəndi, Xocalı, Ağdərə, Xocavənd şəhərləri, Şuşa, Xocalı, Xocavənd rayonlarının və keçmiş Ağdərə rayonunun bir hissəsi işğal zonasında, Laçın şəhəri və rayonun 6 neçə kəndi bölgədə atəşkəsə məsul olan Rusiya Ordusu bölmələrinin əlində qalır.
Novator.az bildirir ki, Dövlət Statistika Komitəsinin hesabatına görə, 2021-ci il iyulun 1-nə Ağdamın əhalisi 205,6 min nəfər olub.
Füzulinin əhalisi 135 min nəfər, Kəlbəcərin əhalisi 95 min nəfər, Cəbrayılın əhalisi 82,4 min nəfər, Zəngilanın əhalisi 45,5 min nəfər, Qubadlının əhalisi 42 min nəfər göstərilir.
Laçının 79,4 min nəfər, Xocavəndin 44,3 min nəfər, Şuşanın 35 min nəfər, Xocalının 29 min nəfər əhalisi var.
Statistikaya əsasən, Xankəndinin əhalisi 55,9 min nəfərdir.
