Rafael Cəbrayılov vəfat edib
Sabiq deputat Rafael Cəbrayılov vəfat edib. 2021-ci ilin yazından həbsdə olan Rafael Cəbrayılov bir neçə gün əvvəl koronavirus infeksiyasına yoluxmuş, Bakıdakı “Yeni klinika”ya yerləşdirilmişdi.
1958-ci il təvəllüdlü Rafael Cəbrayılov uzun illər prokurorluq sistemində çalışıb, 2005, 2010, 2015-ci illərdə parlamentin deputatı seçilib.
2019-cu ildə Rafael Cəbrayılovun vətəndaşların külli miqdarda vəsaitini mənimsəməsi, buna görə məhkəməyə verilməsi barədə xəbərlər yayılıb. Bundan sonra Rafael Cəbrayılov Milli Məclis üzvlüyündən imtina edib. Mərkəzi Seçki Komissiyası həmin il oktyabrın 2-də Rafael Cəbrayılovun deputat mandatına xitam verib.
Baş Prokurorluğun 2 aprel 2021-ci il məlumatında Rafael Cəbrayılovun tutulduğu, barəsində məhkəmənin qərarı ilə həbs qətimkan tədbiri seçildiyi açıqlanıb. O, Bakı Ağır Cinayətlər Məhkəməsində mühakimə olunurdu.
