Vətən müharibəsinin şəhid və itkinləri
Rəsmi siyahıya görə, 2020-ci ilin Vətən müharibəsində Azərbaycanın 2907 hərbi qulluqçusu şəhid olub. Novator.az bildirir ki, 153 şəhid 2002-ci il təvəllüdlü, 326 şəhid 2001-ci il təvəllüdlü, 171 şəhid 2000-ci il təvəllüdlüdür.
1999-cu ildə doğulmuş 190 nəfər, 1998-ci ildə doğulmuş 225 nəfər, 1997-ci ildə doğulmuş 211 nəfər, 1996-cı ildə doğulmuş 250 nəfər, 1995-ci ildə doğulmuş 202 nəfər şəhid olub.
1994-cü il təvəllüdlü 185 şəhid, 1993-cü il təvəllüdlü 163 şəhid, 1992-ci il təvəllüdlü 142 şəhid, 1991-ci il təvəllüdlü 115 şəhid, 1990-cı il təvəllüdlü 97 şəhid var.
Digər illərdə doğulmuş şəxslər üzrə şəhid sayı belədir:
1989-cu il – 89 nəfər
1988-ci il – 50 nəfər
1987-ci il – 54 nəfər
1986-cı il – 46 nəfər
1985-ci il – 37 nəfər
1984-cü il – 34 nəfər
1983-cü il – 25 nəfər
1982-ci il – 22 nəfər
1981-ci il – 19 nəfər
1980-ci il – 18 nəfər
1979-cu il – 16 nəfər
1978-ci il – 17 nəfər
1977-ci il – 19 nəfər
1976-cı il – 3 nəfər
1975-ci il – 10 nəfər
1974-cü il – 5 nəfər
1973-cü il – 5 nəfər
1972-ci il – 3 nəfər
1971-ci il – 3 nəfər
1970-ci il – 1 nəfər
1965-ci il – 1 nəfər.
7 hərbi qulluqçu – 2001-ci il təvəllüdlü əsgər Mehdiyev Asim Yaqub oğlu, 1998-ci il təvəllüdlü leytenant Vəlizadə İbrahim Səməd oğlu, 1997-ci il təvəllüdlü əsgər Qədirli Elnur Rəcəb oğlu, 1996-cı il təvəllüdlü əsgər Salamov Qorxmaz Bayram oğlu, 1995-ci il təvəllüdlü əsgər Feyzullayev Aydın Zakir oğlu, 1994-cü il təvəllüdlü gizir İxtiyar İlqar, 1991-ci il təvəllüdlü əsgər Səfərli Xəqani İlqar oğlu itkin düşüb.
Ermənistan 1988-1994-cü illərin təcavüzündə Azərbaycanın bütün cənub-qərbini ələ keçirib.
2020-ci il sentyabrın 27-dən Azərbaycanın apardığı hərbi əməliyyatlarda və noyabrın 10-na keçən gecə əldə edilən atəşkəs razılaşması nəticəsində Cəbrayıl, Füzuli, Zəngilan, Qubadlı, Ağdam, Kəlbəcər rayonları tam, Şuşa, Laçın, Xocavənd, Xocalı rayonları və keçmiş Ağdərə rayonu qismən azad olunub.
Sentyabrın 27-si Azərbaycanda şəhidlərin xatirəsini yad etmə günü – Anım Günü kimi rəsmiləşib.
