Yoluxma və itki statistikası
2019-cu ilin dekabrında Çində üzə çıxaraq dünyanı bürüyən yeni növ koronavirus infeksiyası 211 ölkə, ərazi və məkanda 4,7 milyondan çox adamın ölümünə gətirib.
Novator.az bildirir ki, 2021-ci il sentyabrın 20-nə olan məlumata görə, Azərbaycanda 473459 nəfər koronavirusa yoluxub, onların 6327-si vəfat edib.
Ölkədə ilk yoluxma 2020-ci il fevralın 28-də qeydə alınıb, il 218700 yoluxma, 2641 ölümlə bitib: fevralda 3 yoluxma, martda 295 yoluxma, 5 ölüm, apreldə 1506 yoluxma, 19 ölüm, mayda 3690 yoluxma, 39 ölüm, iyunda 12030 yoluxma, 150 ölüm, iyulda 14354 yoluxma, 235 ölüm, avqustda 4557 yoluxma, 86 ölüm, sentyabrda 3794 yoluxma, 57 ölüm, oktyabrda 15040 yoluxma, 139 ölüm, noyabrda 65907 yoluxma, 662 ölüm, dekabrda 97524 yoluxma, 1249 ölüm rəsmiləşib.
2021-ci ilin statistikası belədir: yanvar – 11519 yoluxma, 491 ölüm, fevral – 4318 yoluxma, 88 ölüm, mart – 27176 yoluxma, 347 ölüm, aprel – 57396 yoluxma, 950 ölüm, may – 14847 yoluxma, 396 ölüm, iyun – 2091 yoluxma, 61 ölüm, iyul – 7802 yoluxma, 49 ölüm, avqust – 81042 yoluxma, 613 ölüm, sentyabr – 48568 yoluxma, 691 ölüm.
2021-ci il yanvarın 18-dən Azərbaycanda koronavirus infeksiyasına qarşı vaksinasiya gedir. Son bilgiyə əsasən, 3 milyon 358 minə yaxın şəxs peyvəndlənmə prosesini bitirib.
