Hasilatda aylar, illər
Dövlət Statistika Komitəsinin hesabatına görə, Azərbaycan 2021-ci ilin yanvar-avqust aylarında 23 milyon ton xam neft hasil edib.
Novator.az bildirir ki, Dövlət Gömrük Komitəsi səkkiz ayda Azərbaycandan xam neft və xam neft məhsulları alan ölkələri statistik dəyər baxımından belə sıralayıb: İtaliya, Xorvatiya, İspaniya, Hindistan, İsrail, Portuqaliya, Tunis, Ukrayna, Böyük Britaniya, Almaniya, Türkiyə, Kanada, Tailand, Belarus, Çin, İndoneziya, Rumıniya, Vyetnam, Çexiya, İsveçrə, Fransa, İrlandiya, Avstriya, Avstraliya, Rusiya.
2021-ci ilin dövlət büdcəsində bir barrel neftin qiyməti 40 dollardan götürülüb. “AzəriLayt” markalı Azərbaycan nefti yanvara 50,92, fevrala 56,68, marta 65,66, aprelə 64,25, maya 66,55, iyuna 70,57, iyula 75,95, avqusta 73,48, sentyabra 72,21 dollarla başlayıb.
Gündəlik xam neft hasilatı yanvar və fevralda 593 min barrel, martda 592,1 min barrel, apreldə 594 min barrel, mayda 586 min barrel, iyunda 610 min barrel, iyulda 606 min barrel, avqustda 596,1 min barrel göstərilib.
2008-ci ildə Azərbaycanda 44,5 milyon ton, 2009-cu ildə 50,4 milyon ton, 2010-cu ildə 50,8 milyon ton, 2011-ci ildə 45,6 milyon ton, 2012-ci ildə 43,4 milyon ton, 2013-cü ildə 43,5 milyon ton, 2014-cü ildə 42 milyon ton, 2015-ci ildə 41,6 milyon ton, 2016-cı ildə 41 milyon ton, 2017-ci ildə 38,7 milyon ton, 2018-ci ildə 38,8 milyon ton, 2019-cu ildə 37,4 milyon ton, 2020-ci ildə 34,5 milyon ton neft çıxarılıb.
