Pensiyaya çıxan şəxs neçə il yaşayır?
Pensiya yaşı üzrə beynəlxalq standart şəxsin pensiyaya çıxandan sonra orta hesabla 12 il yaşaması imkanını nəzərdə tutur. Novator.az-ın məlumatına görə, iqtisadçı alim, Azərbaycan Demokratiya və Rifah Hərəkatının sədri Qubad İbadoğlu yazır ki, Azərbaycanda gözlənən pensiya müddəti 7,25 ildir: “Yaxın ölkələr arasında Belarus 13,98 illə öndədir. Türkmənistanda gözlənən pensiya müddəti 9,34 il, Qazaxıstanda 9,13 il, Rusiyada 8,96 il, Qırğızıstanda 6,63 il, Tacikistanda 5,88 ildir.
Başqa ölkələrə gəlincə, Sinqapurda pensiyaya çıxan şəxsin 21,75 il, Böyük Britaniyada 17,67 il, Yunanıstanda 16,85 il, ABŞ-da 13,49 il yaşamaq şansı var”.
Azərbaycanda qadınlar 62 yaş yarımda, kişilər 65 yaşda pensiyaya çıxır. 2027-ci il iyulun 1-dək qadınların da pensiya yaşı 65-ə qalxacaq.
Əmək və Əhalinin Sosial Müdafiəsi Nazirliyi 2021-ci il iyulun 1-nə pensiyaçıların sayını 1 milyon 214,1 min nəfər göstərib.
Ölkədə minimum pensiya 200 manatdır.
