Superkubokun bütün sahibləri
Novator.az UEFA superkuboku turnirinin tarixinə nəzər salıb.
Superkubok 1972-ci ildə Çempionlar kuboku və Kuboklar kuboku sahiblərinin qarşılaşması kimi təsis olunub.
Çempionlar kuboku turniri 1955-ci ildə yaradılıb, 1992-ci ildən Çempionlar Liqasına çevrilib.
1960-cı ildən keçirilən Kuboklar kuboku turniri 1999-cu ildə ləğv edilib, superkubok Çempionlar Liqası və UEFA kuboku sahiblərinin yarışı statusu alıb.
2009-cu ildə UEFA kubokunun bazasında Avropa Liqası turniri qurulub.
UEFA superkuboku turnirində “Milan” və “Barselona” 5, “Liverpul” və “Real” (Madrid) 4, “Atletiko” 3 zəfər əldə edib.
“Ayaks”, “Anderlext”, “Valensiya”, “Yuventus”, “Çelsi” və “Bavariya”nın 2 qələbəsi var.
Bu komandalar superkuboku 1 dəfə qazanıblar: “Dinamo” (Kiyev), “Nottingem Forest”, “Aston Villa”, “Aberdin”, “Styaua”, “Portu”, “Mexelen”, “Mançester Yunayted”, “Parma”, “Latsio”, “Qalatasaray”, “Sevilya”, “Zenit” (Sankt-Peterburq).
