Messi “Barselona”dan getdi
Lionel Messi İspaniyanın “Barselona” klubundan ayrılıb. Rəsmi xəbər avqustun 5-i axşam yayılıb.
Novator.az bildirir ki, Lionel Messi 1987-ci il iyunun 24-də Argentinanın Rosario şəhərində doğulub. “Barselona” klubunda 2004-cü ildən oynayırdı. Müqavilə müddəti bu il iyunun 30-da bitən futbolçu azad agent statusundadır.
Lionel Messi “Barselona” ilə 10 dəfə İspaniya çempionu, 4 dəfə UEFA Çempionlar Liqasının qalibi olub, 3 dəfə UEFA superkubokunu əldə edib, 3 dəfə klublar arasında dünya çempionluğunu qazanıb.
2005-ci ildən Argentina milli komandasında çıxış edir. Olimpiya çempionu (2008), dünya çempionatının gümüş mükafatçısı (2014), Amerika kubokunun sahibidir (2021).
Lionel Messi 2009, 2010, 2011, 2012, 2015, 2019-cu illərdə dünyanın ən yaxşı futbolçusu kimi “Qızıl top” mükafatı alıb.
