Bakıda yeni “ASAN xidmət” mərkəzi
Avqustun 3-də prezident İlham Əliyev 6 saylı Bakı “ASAN xidmət” mərkəzinin açılışında iştirak edib. AZƏRTAC-ın məlumatına görə, Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev dövlət başçısına deyib ki, bu, Bakıda 6-cı, ölkədə 21-ci “ASAN xidmət” mərkəzidir.
Arayışa əsasən, 6 saylı “ASAN xidmət” mərkəzində müxtəlif dövlət orqanları, özəl şirkətlər və kommunal xidmət qurumları qeydiyyat yerindən asılı olmayaraq bütün vətəndaşlara ümumilikdə 320-dən çox xidmət göstərəcək.
