Manat nə qədər pul aparıb?
Dövlət Neft Fondu Mərkəzi Bankın 2021-ci ilin iyul ayında keçirdiyi valyuta hərraclarında 461,6 milyon ABŞ dolları məbləğində vəsait satıb. Rəsmi hesabat avqustun 2-də yayılıb.
Novator.az bildirir ki, yeddi ayın ümumi xərci 3 milyard 227,7 milyon dollardır. Yanvarda fonddan 644,9 milyon dollar, fevralda 437,3 milyon dollar, martda 397,7 milyon dollar, apreldə 509,9 milyon dollar, mayda 312,7 milyon dollar, iyunda 463,6 milyon dollar alınıb.
2015-ci ilin devalvasiyaları nəticəsində dolların rəsmi məzənnəsi 0,7844 manatdan 1,5594 manata yüksəlib, 2016-cı ildə qiymət 1,7707 manata çatıb.
2017-ci ili 1,7001 manatla yola salan dollar 2018-ci il martın 7-dən 1,7 manata təklif olunur.
Manatı qorumaq üçün Dövlət Neft Fondu 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard dollar sərf edib.
