Dövlət Neft Fondu bildirir ki, 2021-ci ilin yanvar-iyun aylarında büdcə gəlirləri 6 milyard 886,1 milyon manat, büdcə xərcləri 4 milyard 708,7 milyon manat olub.

Hesabata görə, yarım ildə dövlət büdcəsinə 4 milyard 696,7 milyon manat köçürülüb, Azərbaycanda ali təhsil sisteminin beynəlxalq rəqabətliliyi dövlət proqramına 1,4 milyon manat yönəldilib, fondun idarə edilməsinə 10,6 milyon manat xərclənib.

İyulun 1-nə fondun aktivləri 44 milyard 104,9 milyon ABŞ dolları göstərilir.

Dövlət Neft Fondunun 2021-ci il büdcəsinin gəlirləri 8 milyard 1 milyon 169,1 min manat, xərcləri 12 milyard 249 milyon 435,5 min manat məbləğində təsdiqlənib.