70-in təltifi
Eldar Allahyar oğlu Quliyev “Şərəf” ordeni ilə təltif edilib. Prezident İlham Əliyevin 26 iyul sərəncamında təltif Eldar Quliyevin Azərbaycanın ictimai-siyasi həyatında uzunmüddətli səmərəli fəaliyyəti ilə əsaslandırılıb.
Novator.az bildirir ki, Eldar Quliyevin 70 yaşı tamam olur.
1951-ci il iyulun 26-sı Bakıda doğulan Eldar Quliyev indiki Azərbaycan Dövlət İqtisad Universitetini bitirib. İqtisad elmləri doktoru, professordur.
2000, 2005, 2010, 2015 və 2020-ci illərdə Milli Məclisin üzvü seçilib.
Azərbaycan Kooperasiya Universitetinin rektoru, Azərbaycan Ağsaqqallar Şurasının sədridir.
“Şöhrət” ordeni laureatıdır.
