Uşaqlar üzrə hesabat
Əmək və Əhalinin Sosial Müdafiəsi Nazirliyi bildirir ki, 2021-ci ilin yanvar-iyun aylarında 26 oğlan, 28 qız uşağı rəsmi müraciətlər əsasında övladlığa verilib. Hesabata görə, yarım ildə uşaqların övladlığa götürüldüyü ailələrdə monitorinq davam etdirilib, 206 uşaqla bağlı müşahidələr aparılıb.
İlin ilk 6 ayında Əmək və Əhalinin Sosial Müdafiəsi Nazirliyinin sosial xidmət müəssisələrindən 11 qız, 20 oğlan uşağının ailələrinin istəkləri əsasında evlərinə qaytarıldığı da bildirilir.
2020-ci ildən valideyn himayəsindən məhrum olmuş və övladlığa götürülən uşaqların, habelə onları övladlığa götürməyi arzu edən şəxslərin vahid uçotunun elektron qaydada aparılması, valideyn-namizədlə müsahibə keçirilməsi, onun maddi-məişət şəraitinin müayinəsi, valideyn-namizəd üçün təlimin təşkili, valideyn-namizədə uyğun uşağın və övladlığa götürülən uşağa uyğun valideynin seçilməsi, valideyn-namizədlə uşaqların yerləşdiyi müəssisələrdə görüşlərin təşkili, övladlığa götürülən uşaqların sınaq müddətində valideyn-namizədin evində yerləşdirilməsi, övladlığagötürmənin əsaslandırılması və övladlığa götürülən uşağın mənafeyinə uyğunluğu haqqında rəy verilməsi, övladlığagötürmədən sonrakı monitorinqlərin aparılması, eləcə də övladlığagötürmənin ləğvinin tələb edilməsi Əmək və Əhalinin Sosial Müdafiəsi Nazirliyinin səlahiyyətindədir.
