Qəzada zərər: yeni qaydalar təsdiqlənib
Nazirlər Kabineti yol-nəqliyyat hadisələri nəticəsində dəyən sosial-iqtisadi və ekoloji zərərin qiymətləndirilməsi və hesablanması qaydalarını təsdiqləyib. Novator.az bildirir ki, sənədə görə, zərərin qiymətləndirilməsini və hesablanmasını İqtisadiyyat Nazirliyi həyata keçirir.
Qaydalarla bu zərərlər müəyyən edilir: insan ölümü və ya müxtəlif dərəcəli bədən xəsarəti alması ilə nəticələnən zərər; nəqliyyat vasitəsinə dəyən zərər; daşınan yükə dəyən zərər; yola və yol infrastrukturuna dəyən zərər; atmosferin çirklənməsi ilə bağlı zərər; su hövzələrinin çirklənməsi ilə bağlı zərər; torpaq örtüyünün çirklənməsi ilə bağlı zərər; yaşıllıqların zədələnməsi və ya məhv olması ilə bağlı zərər.
İqtisadiyyat Nazirliyi 2001-ci ildə İqtisadi İnkişaf Nazirliyi adı ilə yaradılıb. 2013- 2016-cı illərdə İqtisadiyyat və Sənaye Nazirliyi adlanıb.
