Dövlət qulluğunda orta maaş
Dövlət qulluqçuları üzrə rəsmi hesabat yayılıb. Novator.az bildirir ki, Dövlət Statistika Komitəsinin açıqlamasına görə, 2021-ci il yanvarın 1-nə Azərbaycanda 26,7 min nəfər dövlət qulluğunda çalışıb, onların 6,3 faizinin 1 ilədək, 25,2 faizinin 1 ildən 5 ilədək, 24,4 faizinin 5 ildən 10 ilədək, 17,8 faizinin 10 ildən 15 ilədək, 26,3 faizinin 15 il və daha çox qulluq stajı olub.
Hesabata əsasən, 2021-ci il yanvarın 1-nə dövlət qulluqçularının 2,7 faizi 25 yaşadək, 13,7 faizi 25-29 yaşda, 16,8 faizi 30-34 yaşda, 14,8 faizi 35-39 yaşda, 12,3 faizi 40-44 yaşda, 9,1 faizi 45-49 yaşda, 8,7 faizi 50-54 yaşda, 10,9 faizi 55-59 yaşda, 9,2 faizi 60-64 yaşda, 1,8 faizi 65 və yuxarı yaşda şəxslər kimi rəsmiləşib.
2020-ci ildə dövlət qulluqçularının orta aylıq nominal əməkhaqqının 1215,5 manat olduğu vurğulanır.
