Makroiqtisadi göstəricilər
Dövlət Statistika Komitəsi makroiqtisadi göstəriciləri açıqlayıb. Novator.az bildirir ki, rəsmi hesabata görə, 2021-ci ilin yanvar-may aylarında kənd təsərrüfatının ümumi məhsulu ötən ilin eyni dövrü ilə müqayisədə 2,9 faiz artıb: heyvandarlıq məhsulları istehsalı 2,3 faiz, bitkiçilik məhsulları istehsalı 5,2 faiz irəli gedib.
Açıqlamaya əsasən, nəqliyyat sektorunda yük daşınması 4,9 faiz, sərnişin daşınması 25,6 faiz düşüb, informasiya və rabitə xidmətlərinin həcmində 4,4 faiz yüksəliş qeydə alınıb.
Əhalinin gəlirlərinin nominal ifadədə 0,8 faiz azaldığı, beş ayda dövlət büdcəsinə 9 milyard 735,2 milyon manatın daxil olduğu, büdcədən 9 milyard 366,3 milyon manatın xərcləndiyi vurğulanır.
Mayın 1-nə bank və digər kredit təşkilatlarının kredit portfeli milli valyuta ekvivalentində 14 milyard 987,5 milyon manat, əhalinin banklardakı əmanətlərinin milli valyuta ekvivalentində məbləği 8 milyard 352,9 milyon manat göstərilir.
