Şəhid və itkin hərbçilərin siyahısı yenilənib
İyunun 14-də Müdafiə Nazirliyi 2020-ci ilin Vətən müharibəsində şəhid olmuş 2904 nəfər hərbi qulluqçunun və itkin düşmüş sayılan 10 nəfərin siyahısını yayıb.
İtkin düşmüş hesab olunan kapitan Pənahov Əkbər Bəylər oğlu, leytenant Vəlizadə İbrahim Səməd oğlunun, gizir İxtiyar İlqarın, əsgərlər Feyzullayev Aydın Zakir oğlu, Həsrətov Elməddin Sərdar oğlu, Mehdiyev Asim Yaqub oğlu, Qədirli Elnur Rəcəb oğlu, Salamov Qorxmaz Bayram oğlu, Səfərli Xəqani İlqar oğlu, Yunisli Elşən Fazil oğlunun tapılması işi davam etdirilir.
Ermənistan 1988-1994-cü illərin təcavüzündə Azərbaycanın bütün cənub-qərbini işğal edib.
2020-ci il sentyabrın 27-dən Azərbaycan Silahlı Qüvvələrinin apardığı əməliyyatlarda və noyabrın 10-da əldə olunan atəşkəs razılaşması nəticəsində ərazilərin böyük qismi azad olunub. Yuxarı Qarabağ bölgəsinin bir hissəsi işğalda qalır.
Laçın şəhəri və rayonun 6 kəndi bölgədə atəşkəsi qorumağa məsul olan Rusiya Ordusu bölmələrinin nəzarətindədir.
