Metronun qrafikində yenilik
Avropa futbol çempionatının final mərhələsinin dörd oyunu Azərbaycan paytaxtında, metronun “Koroğlu” stansiyasının yaxınlığında yerləşən Bakı Olimpiya Stadionunda keçiriləcək. Stadiona A qrupunun Uels – İsveçrə (12 iyun), Türkiyə – Uels (16 iyun), İsveçrə – Türkiyə (20 iyun) oyunları və 1/4 finalın bir oyunu (3 iyul) salınıb, hər bir matçda məhdud sayda tamaşaçının iştirakına icazə verilib. Buna görə Bakı metropoliteninin iyun ayı ərzində hər gün sərnişindaşıma fəaliyyəti göstərməsi qərara alınıb. Oyun günləri (12, 16, 20 iyun və 3 iyul) metro gecə saat 2-yə qədər işləyəcək.
Bakı metrosu 2020-ci ilin mart ayından başlayaraq koronavirus pandemiyası üzündən bir neçə dəfə qapadılıb, indiki qaydalara əsasən, şənbə və bazar günləri fəaliyyət göstərmir.
