İcbari Tibbi Sığorta üzrə Dövlət Agentliyinin 4 iyun məlumatına görə, paytaxt Bakının rayonlarını əhatə edən 11 tibb mərkəzi yaradılıb, bir çox tibb müəssisəsi mərkəzlərin tabeliyinə verilib.

Nəsimi rayonundakı 1 saylı Kliniki Tibbi Mərkəzin bazasında Nəsimi, Yasamal və Səbail rayonları üzrə tibb müəssisələrini birləşdirən Kliniki Tibbi Mərkəz qurulub, həmçinin Nərimanov, Nizami, Sabunçu, Binəqədi, Suraxanı, Qaradağ (Lökbatan), Ələt (Qaradağ), Xətai, Pirallahı və Xəzər tibb mərkəzləri təsis olunub.

Qaradağ rayonu üzrə iki tibb mərkəzi (Lökbatan, Qaradağ) fəaliyyət göstərəcək.

Sumqayıt Şəhər Səhiyyə Şöbəsinin bazasında 18 tibb müəssisəsindən ibarət Sumqayıt Tibb Mərkəzi yaradılıb.

Tibb mərkəzləri Tibbi Ərazi Bölmələrini İdarəetmə Birliyinin (TƏBİB) tabeliyində fəaliyyət göstərəcəklər.