Gəliş-gediş statistikası
Dövlət Sərhəd Xidmətinə istinad edən Dövlət Statistika Komitəsi bildirir ki, 2021-ci ilin yanvar-aprel aylarında Azərbaycana 134 ölkədən 162,9 min nəfər (əvvəlki ilin eyni dövrü ilə müqayisədə 3,3 dəfə az) əcnəbi və vətəndaşlığı olmayan şəxs gəlib.
Hesabata görə, gələnlərin 32,7 faizi Rusiya, 27,6 faizi Türkiyə, 16,7 faizi İran, 10,8 faizi Gürcüstan, 2,5 faizi Ukrayna, 1,1 faizi Böyük Britaniya, 1 faizi Belarus, qalanları digər ölkələrin nümayəndələri olub.
2020-ci ilin yanvar-aprel ayları ilə müqayisədə xarici ölkələrə gedən Azərbaycan vətəndaşlarının sayının 5,8 dəfə azalaraq 162,8 min nəfərə düşdüyü vurğulanır: “Ölkə vətəndaşlarının 42,4 faizi Türkiyəyə, 22,1 faizi Rusiyaya, 9,4 faizi Gürcüstana, 6,9 faizi İrana, 19,2 faizi başqa ölkələrə səfər edib”.
