Doğum 2,6 faiz, ölüm 18,5 faiz artıb
Azərbaycan əhalisinin sayı 2021-ci il aprelin 1-nə 10 milyon 130 min 114 nəfərə çatıb. Novator.az bildirir ki, Dövlət Statistika Komitəsinin hesabatına görə, yanvar-mart aylarında 29484 doğulan körpə qeydə alınıb, onların 53 faizi oğlan, 47 faizi qız uşaqlarıdır.
Birinci rübdə ölkədə 19014 ölümün, 10334 nikahın, 3704 boşanmanın rəsmiləşdiyi vurğulanır. 2020-ci ilin ilk rübü ilə müqayisədə doğum 2,6 faiz, ölüm halları 18,5 faiz artıb, nikahlar 14,3 faiz azalıb.
Məlumata əsasən, yanvar-mart aylarında 587 nəfər daimi yaşamaq üçün Azərbaycana gəlib, 76 nəfər ölkədən gedib.
