Naxçıvan Muxtar Respublikasının Dövlət Statistika Komitəsi yeni hesabat yayıb. Novator.az bildirir ki, 2021-ci il aprelin 1-nə bölgədə orta aylıq əməkhaqqı 536,3 manat göstərilir.
Rəsmi açıqlamaya görə, 2021-ci ilin yanvar-aprel aylarında muxtar respublikada ümumi daxili məhsul istehsalı ötən ilin eyni dövrünə nəzərən 0,7 faiz artıb.
2020-ci ilin ilk dörd ayı ilə müqayisədə sənayedə 1,1 faiz, kənd təsərrüfatında 3,3 faiz, sərmayə qoyuluşunda 1,2 faiz, informasiya və rabitə xidmətlərində 9,9 faiz yüksəlişin qeydə alındığı vurğulanır.
Qeyd olunur ki, nəqliyyat sektorunda yük daşınması 2020-ci ilin yanvar-aprel aylarına nəzərən 0,6 faiz artıb, pərakəndə əmtəə dövriyyəsi 0,7 faiz, əhaliyə göstərilən ödənişli xidmətlər 0,9 faiz geriləyib.
2020-ci ilin ilk dörd ayı ilə müqayisədə xarici ticarət dövriyyəsində 8,3 faiz, ixracda 0,6 faiz, idxalda 39,1 faiz artımın qeydə alındığı bildirilir.
