Kubok Bakıdadır
2020-ci ildə koronavirus pandemiyasına görə təxirə salınmış 16-cı Avropa futbol çempionatının final mərhələsi 2021-ci il iyunun 11-dən iyulun 11-dək Amsterdam, Bakı, Budapeşt, Buxarest, Kopenhagen, Qlazqo, London, Münhen, Roma, Sankt-Peterburq və Sevilya şəhərlərində keçiriləcək. Azərbaycan paytaxtına, Bakı Olimpiya Stadionuna A qrupunun üç oyunu (Uels – İsveçrə (12 iyun), Türkiyə – Uels (16 iyun), İsveçrə – Türkiyə (20 iyun) və 1/4 finalın bir oyunu (3 iyul) salınıb.
AZƏRTAC xəbər verir ki, mayın 7-dən 9-dək Bakıda nümayiş olunacaq Avropa çempionatının kuboku prezident İlham Əliyevə təqdim edilib. Kubok Bakıdan sonra Danimarkanın paytaxtı Kopenhagenə aparılacaq.
