Şagirdlərin kənd və şəhərlər üzrə bölgüsü
İqtisadçı, vətəndaş cəmiyyəti eksperti Rövşən Ağayev demoqrafik statistikanın bir məqamına diqqət yönəldib. Novator.az-ın məlumatına görə, o yazır ki, 2020-ci ilin əvvəlinə Azərbaycanda 16-17 yaşlı uşaqların 50,5%-i kəndlərdə, 49,5%-i şəhərlərdə qeydiyyatda olub, amma həmin dövrdə 10-11-ci siniflərin şagirdlərinin 60%-i şəhərlərdə, 40%-i kəndlərdə oxuyub.
Şagirdlərin sayının şəhərlərdə üstün olmasının iki mümkün səbəbi var: faktiki yaşayış yeri şəhərlərdə olan şagirdlər kəndlərdə qeydiyyatda qalır; kəndlərdə 9 illik icbari təhsildən sonra tam orta təhsildən kənarda qalma əmsalı daha yüksəkdir.
2020-ci ilin əvvəlinə olan statistika kənd yerlərində qeydiyyatı olan 16-17 yaşlı uşaqların sayını 130,3 min nəfər, kənd məktəblərində 10-11-ci sinif şagirdlərinin sayını 66,7 min nəfər göstərir.
Şəhər yerlərində qeydiyyatı olan 16-17 yaşlı uşaqların sayı 128,5 min nəfər, şəhər məktəblərində 10-11-ci sinif şagirdlərinin sayı 98,2 min nəfər olub”.
