Dəli oynatmaq
İsa Qəmbər
Milli Strateji Düşüncə Mərkəzinin sədri
“Məşğuliyyətlərin ən birincisi dəli оynatmaqdır. Şəhərin hər il gərək bir dəlisi оlsun ki, оnu оynatmaqla camaat vaxtını keçirsin”. Əbdürrəhim bəy Haqverdiyev, “Uca dağ başında”.
ABŞ prezidenti Bayden elmə, tarixə, məntiqə zidd bir addım ataraq 1915-ci il hadisələrini genosid kimi qiymətləndirdi. Baydenin bu addımı böyük yazar Əbdürrəhim bəy Haqverdiyevin əsərlərini yada saldı. Əbdürrəhim bəy yazırdı ki, şəhər əhalisi darıxmasın deyə adamlardan birini seçib “şəhərin dəlisi” edirlərmiş.
Rusiya, ABŞ və bəzi Avropa ölkələri təxminən 140 il əvvəl bir xalqı “dünyanın dəlisi” halına salıb bədbəxt ediblər. Bu xalqı inandırıblar ki, o, dünyanın ən qədim, ən müdrik, ən əzabkeş xalqıdır. İnandırıblar ki, dünya bu xalqın “ən” olduğunu qəbul etsə, hər şey əla olacaq.
Nəticədə bu xalq dünyanın doğrudan da ən başıbəlalı və başabəla xalqlarından birinə çevrilib, nə özü normal yaşayıb inkişaf edə bilir, nə də qonşularına bu imkanı verir.
Təəssüf ki, bu bədnam siyasət davam edir.
Təəssüf ki, prezident Bayden bu tarixi səhvi etməklə regionumuzda sülh və əmin-amanlıq perspektivinə çox ağır zərbə vurdu.
Və bunun hamıya ziyanı olacaq.
Ən böyük ziyan isə erməni xalqına dəyəcək.
Azərbaycan ABŞ-ı xəbərdar edir
Azərbaycanın ABŞ-a rəsmi etirazı
“Bayden erməni diasporunun “4T” hədəfinə yaşıl işıq yandırdı”
“Erməni məsələsi” Ağ evə necə ayaq açıb? – “Habertürk”
