İngiltərənin 6 futbol klubu – “Liverpul”, “Mançester Yunayted”, “Çelsi”, “Arsenal”, “Tottenhem”, “Mançester Siti” Superliqa təsisçiləri sırasından çıxdıqlarını bəyan ediblər. Qərarlar aprelin 21-də açıqlanıb.
Novator.az bildirir ki, ingilis klubları Superliqanı aprelin 18-də İspaniyanın “Real”, “Barselona”, “Atletiko”, İtaliyanın “Milan”, “İnter”, “Yuventus” komandaları ilə birgə təsis etmiş, məqsədin Avropa Futbol Assosiasiyaları Birliyindən (UEFA) kənar yeni turnir keçirmək olduğu vurğulanmışdı.
Superliqa qərarı beynəlxalq futbol qurumları və ictimaiyyətinin sərt etirazına səbəb olub, təsisçilər sanksiyalarla hədələnib, UEFA-nın 20 aprel konqresində separatçı klublara Avropa futbol ailəsinə dönmək çağırışları səslənib.
Aprelin 21-də “Atletiko”, “Milan” və “İnter” də Superliqadan imtina ediblər.
