İlkin Rüstəmzadədən “Qaranlığın hekayəsi”
“Qanun” nəşriyyatında ictimai fəal İlkin Rüstəmzadənin “Qaranlığın hekayəsi. Həbsxana gündəliyi” kitabı çapdan çıxıb.
1992-ci il təvəllüdlü İlkin Rüstəmzadə 2013-cü ilin mayında tutularaq kütləvi iğtişaşların təşkili, qrup halında xuliqanlıq və ictimai asayişin pozulmasının qarşısını alan hakimiyyət nümayəndəsinə müqavimət göstərməklə xuliqanlıqda təqsirli bilinib, 8 il müddətinə azadlıqdan məhrum edilib, 2019-cu il martın 16-da əfv olunub.
“Turan”ın məlumatına görə, “Qaranlığın hekayəsi” kitabında İlkin Rüstəmzadə həbsxana həyatından bəhs edir. O, kitabda Azərbaycan həbsxanalarındakı vəziyyətə, repressiyalara, işgəncələrə, kriminal qruplar arasında rəqabətə diqqət çəkdiyini vurğulayır: “Hesab edirəm ki, kitab məmurlar, dövlət qulluqçuları üçün də maraqlıdır. Onlar xidmət etdikləri sistemin həbsxanalarındakı vəziyyət barədə təsəvvürə malik olmalıdırlar”.
