Hər 1000 kişiyə 1002 qadın düşür
Dövlət Statistika Komitəsi demoqrafik hesabat açıqlayıb. Novator.az bildirir ki, rəsmi açıqlamaya görə, Azərbaycan əhalisinin sayı 2021-ci il martın 1-nə 10 milyon 127 min 127 nəfərə çatıb, əhalinin 49,9 faizini kişilər, 50,1 faizi qadınlardır, orta hesabla hər 1000 kişiyə 1002 qadın düşür.
Yanvar-fevral ayları ərzində 20984 doğumun rəsmiləşdiyi vurğulanır: “Onların 53,2 faizi oğlan, 46,8 faizi qızdır”.
Hesabata əsasən, yanvar-fevral aylarında ölkədə 13338 ölüm halı, 5672 nikah, 2417 boşanma, daimi yaşamaq üçün 395 nəfər gələn, 47 nəfər gedən qeydə alınıb.
