Azərbaycanda hər 100 min nəfərə 209 məhbus düşür
Avropa Şurası məhbus hesabatı yayıb. “Turan”ın məlumatına görə, hesabatda bildirilir ki, 2020-ci il yanvarın 31-nə Azərbaycanın penitensiar müəssisələrində 21021 məhbus cəza çəkib. Analoji göstərici 2019-cu ildə 21926 nəfər, 2018-ci ildə göstəricisi 23319 nəfər olub.
Hesabata əsasən, 2020-ci il yanvarın 31-nə Avropada hər 100 min nəfərə 103,2 məhbus düşüb. Türkiyədə həmin göstərici 357 nəfər, Rusiyada 356 nəfər, Gürcüstanda 264 nəfər, Litvada 220 nəfər, Azərbaycanda 209 nəfərdir.
Avropada məhbusların 4,9%-nin qadınlar olduğu vurğulanır. Azərbaycanda eyni göstərici 2,7%-dir.
Sənəddə qeyd olunur ki, Azərbaycanın penitensiar müəssisələrində saxlanan şəxslərin 10,7%-i bir ildən üç ilədək, 47,3%-i üç ildən beş ilədək, 27,1%-i beş ildən on ilədək, 13,2%-i on ildən iyirmi ilədək, 1,6%-i ömürlük həbs cəzası alıb.
