Koronavirus itkiləri
Novator.az koronavirus itkiləri statistikasına nəzər salıb. Worldometers.info-da təqdim olunan hesabata görə, infeksiya 205 ölkə, ərazi və məkanda 2,8 milyondan çox adamın ölümünə səbəb olub. Yaxın ölkələr arasında ən çox Rusiya itki verib: 100374 nəfər.
İranda koronavirusdan 63160, Ukraynada 34333, Türkiyədə 32263 ölüm rəsmiləşib.
Digər yaxın ölkələr belə sıralanır:
Moldova – 5136 nəfər
Gürcüstan – 3811
Litva – 3610
Ermənistan – 3592
Qazaxıstan – 3092
Belarus – 2285
Latviya – 1931
Qırğızıstan – 1507
Estoniya – 941
Özbəkistan – 631
Tacikistan – 90.
Nazirlər Kabineti yanında operativ qərargah Azərbaycanda koronavirus infeksiyası qurbanlarının ümumi sayını 3677 nəfər göstərir.
2019-cu ilin dekabrında Çində üzə çıxaraq dünyanı bürüyən infeksiyaya Azərbaycanda ilk yoluxma 2020-ci il fevralın 28-də bəyan olunub. Həmin il ölkədə 2641 koronavirus xəstəsi həyatını itirib.
2021-ci ilin yanvarı 491, fevralı 88, martı 347 ölümlə bitib.
Aprelin ilk dörd günündə 110 ölüm qeydə alınıb.
2020-ci il martın 31-dən xüsusi karantin rejimi tətbiq olunur. Hazırda əsas qadağalar bunlardır: yük daşımaları istisna olmaqla ölkəyə giriş-çıxış; şəhər və rayonlardan sərnişin daşınması; “ASAN xidmət” və “DOST” mərkəzləri istisna olmaqla dövlət orqanlarında (qurumlarında) vətəndaşların yerində qəbulu; dəfn mərasimləri istisna olmaqla yas mərasimləri; kütləvi tədbirlər (tamaşaçıların iştirakı olmadan açıq havada idman yarışları istisnadır); tədbirlərin təşkili, o cümlədən ad günləri, toy, nişan və bu kimi mərasimlər; ictimai yerlərdə, o cümlədən küçələrdə, bulvarlarda, parklarda və digər yerlərdə şəxslərin (ata-ana, nənə-baba, uşaqlar və bacı-qardaşlar istisna olmaqla) 10 nəfərdən artıq qruplarda cəmləşməsi; istirahət və əyləncə məkanlarının, həmçinin uşaq əyləncə məkanlarının (bulvar və parkların ərazisindəki daxil olmaqla) fəaliyyəti; muzey və sərgi zalları istisna olmaqla mədəniyyət obyektlərinin, eləcə də kinoteatrların, teatrların və idman zallarının fəaliyyəti; tibb müəssisələrində müalicə alan şəxslərin ziyarəti; idman, sağlamlıq-bərpa üzrə xidmətlər (bu sahədə tibbi xidmətlər istisna olmaqla); masaj və hamam xidmətlərinin göstərilməsi; şənbə və bazar günlərində ictimai nəqliyyatın hərəkəti; Bakı Metropolitenində sərnişindaşıma.
