Beş gündə 10121 yoluxma, 144 ölüm
Nazirlər Kabineti yanında operativ qərargahın 5 aprel hesabatına görə, Azərbaycanda koronavirus infeksiyasına yoluxanların ümumi sayı 271834 nəfərə, xəstəlik qurbanlarının ümumi sayı 3711 nəfərə çatıb.
2019-cu ilin dekabrında Çində üzə çıxaraq dünyanı bürüyən infeksiyaya Azərbaycanda ilk yoluxma 2020-ci il fevralın 28-də qeydə alınıb. Həmin il ölkədə 218700 nəfər yoluxub, 2641 xəstə həyatını itirib.
Novator.az bildirir ki, 2021-ci ilin yanvarı 11519 yoluxma, 491 ölüm; fevralı 4318 yoluxma, 88 ölüm; martı 27176 yoluxma, 347 ölümlə bitib.
Aprelin ilk beş günündə 10121 yoluxma, 144 ölüm var.
