Azad edilmiş bölgələrin əhali statistikası
Novator.az işğaldan azad edilmiş bölgələrin əhali statistikasına nəzər salıb.
Dövlət Statistika Komitəsinin hesabatına görə, 2021-ci il yanvarın 1-nə Ağdamın əhalisi 205,1 min nəfər olub.
Füzulinin əhalisi 134,7 min nəfər, Kəlbəcərin əhalisi 94,7 min nəfər, Cəbrayılın əhalisi 82,2 min nəfər, Zəngilanın əhalisi 45,5 min nəfər, Qubadlının əhalisi 41,9 min nəfər göstərilir.
Laçının 79,2 min nəfər, Xocavəndin 44,2 min nəfər, Şuşanın 34,9 min nəfər, Xocalının 29 min nəfər əhalisi var.
Statistikaya əsasən, Xankəndinin əhalisi 55,9 min nəfərdir.
Ermənistan 1988-1994-cü illərin təcavüzündə Azərbaycanın bütün cənub-qərbini işğal edib.
Azərbaycan Silahlı Qüvvələrinin 2020-ci il sentyabrın 27-dən apardığı əməliyyatlarda və 10 noyabr atəşkəsində əldə olunan razılaşma nəticəsində ərazilərin böyük qismi azad edilib. Hazırda Cəbrayıl, Füzuli, Zəngilan, Qubadlı, Ağdam, Kəlbəcər rayonları tam, Şuşa, Xocavənd, Xocalı, Laçın rayonları və keçmiş Ağdərə rayonu qismən Azərbaycanın nəzarətindədir.
Xankəndi, Xocalı, Ağdərə, Xocavənd şəhərləri, Şuşa, Xocalı, Xocavənd rayonlarının və keçmiş Ağdərə rayonunun bir hissəsi işğalda qalır.
Laçın şəhəri və rayonun bir neçə kəndi bölgədə atəşkəsə məsul olan Rusiya Ordusu bölmələrinin əlindədir.
