Martın 31-də Türkdilli Dövlətlərin Əməkdaşlıq Şurasının (Türk Şurası) video formatında qeyri-formal zirvə görüşü keçirilib.
Türk Şurası 2009-cu ildə yaradılıb. Təşkilata Azərbaycan, Türkiyə, Qazaxıstan, Qırğızıstan və Özbəkistan daxildir. Macarıstan şurada müşahidəçidir. Qurumun sammitləri və müxtəlif tədbirlərində Türkmənistan da yer alır.
AZƏRTAC xəbər verir ki, 31 mart görüşünə Azərbaycan prezidenti İlham Əliyev, Türkiyə prezidenti Rəcəb Teyyub Ərdoğan, Qazaxıstan prezidenti Qasım-Comərd Tokayev, bu ölkənin sabiq prezidenti Nursultan Nazarbayev, Qırğızıstan prezidenti Sadır Japarov, Özbəkistan prezidenti Şövkət Mirziyayev, Türkmənistan prezidenti Qurbanqulu Berdiməhəmmədov, Macarıstanın baş naziri Viktor Orban, qurumun baş katibi Bağdad Amreyev qatılıblar.
İlham Əliyev zirvə görüşündə çıxış edib.
