Martın 30-u Bakıda Əmək və Əhalinin Sosial Müdafiəsi Nazirliyinin Dayanıqlı və Operativ Sosial Təminat Agentliyinin 4 saylı DOST Mərkəzi açılıb. Mərkəz Binəqədi rayonunda yerləşir.

AZƏRTAC xəbər verir ki, prezident İlham Əliyev açılış mərasimində iştirak edib, mərkəzin binasında yaradılan şəraitlə tanış olub.

Arayışa görə, mərkəzdə əhaliyə pensiya, sosial sığorta, sosial müavinət, əlillik, əmək və məşğulluq, övladlığa götürmə, bank, notariat, həmçinin tibbi sosial ekspertiza sahələri üzrə bütövlükdə 132 xidmət göstəriləcək.

Mərkəzdə 230 nəfərdən çox əməkdaş, habelə 50 nəfər könüllü gün ərzində orta hesabla 800 vətəndaşın qəbulunu həyata keçirəcək.