Əfv sərəncamı
Martın 18-də prezident İlham Əliyev əfv sərəncamı imzalayıb.
Novator.az bildirir ki, azadlıqdan məhrumetməyə məhkum edilmiş 475 nəfər cəzanın çəkilməmiş hissəsindən azad olunur.
Azadlıqdan məhrumetməyə məhkum edilmiş 98 nəfərin cəzasının çəkilməmiş hissəsi yarıyadək azaldılır.
Ömürlük azadlıqdan məhrumetməyə məhkum edilmiş 3 nəfərin cəzası 25 il müddətə azadlıqdan məhrumetmə ilə əvəzlənir.
Azadlıqdan məhrumetmə cəzasına şərti olaraq məhkum edilmiş 2 nəfər cəzadan azad olunur.
Azadlıqdan məhrumetmə cəzasına məhkum edilmiş və cəzasının çəkilməsi təxirə salınmış 3 nəfər cəzadan azad olunur.
Azadlığın məhdudlaşdırılması cəzasına məhkum edilmiş 9 nəfər cəzanın çəkilməmiş hissəsindən azad olunur.
İslah işləri cəzasına məhkum edilmiş 12 nəfər cəzanın çəkilməmiş hissəsindən azad olunur.
Cərimə cəzasına məhkum edilmiş 23 nəfər cəzadan azad olunur.
