Gediş-gəlişdə nə qədər azalma var?
Dövlət Sərhəd Xidmətinin hesabatına görə, 2021-ci ilin yanvar-fevral aylarında Azərbaycana 123 ölkədən 72,1 min nəfər (əvvəlki ilin eyni dövrü ilə müqayisədə 5,9 dəfə az şəxs) səfər edib. Hesabata əsaslanan Dövlət Statistika Komitəsi bildirir ki, iki ayda ölkəyə gələnlərin 33,3 faizi Rusiya, 28,8 faizi Türkiyə, 14,9 faizi İran, 10,4 faizi Gürcüstan, 2,4 faizi Ukrayna, 1,2 faizi Böyük Britaniya, 1 faizi Belarus, qalanları başqa ölkələrin vətəndaşlarıdır.
Xarici ölkələrə gedən Azərbaycan vətəndaşlarının sayının 2020-ci ilin yanvar-fevral aylarına nəzərən 13,5 dəfə azalaraq 60,9 min nəfər olduğu vurğulanır: “Ölkə vətəndaşlarının 47,3 faizi Türkiyəyə, 17,3 faizi Rusiyaya, 10,5 faizi Gürcüstana, 8,3 faizi İrana, 16,6 faizi digər ölkələrə səfər edib”.
